Yunanıstanın Krit adasında şahmat üzrə komandalararası Avropa çempionatının 8-ci tur davam edir. Apasport.az saytının məlumatına görə, qitə birinciliyində millimiz qadınlar və kişilərdən ibarət komanda ilə iştirak edir.

Mötəbər yarışın səkkizinci turunda kişilərdən ibarət yığmamız Rusiya, xanım şahmatçılarımız isə Fransa millisi ilə qarşılaşıblar.

Şəhiyar Məmmədyarov, Teymur Rəcəbov, Arkadi Naydiç və Rauf Məmmədovdan ibarət kişi millimiz rəqibinə şans verməyib – 3:1. Bu oyuna qədər lider olan Rusiya üzərindəki qələbə yığmamızı turnir cədvəlində birinci pilləyə yüksəldib.

Yarışın sonuna bir tur qalmış millimiz Avropa çempionluğunun bir addımlığında qərarlaşıb.

Qadınlar yığmamız da eynihesablı qələbəyə sevinib – 3:1.

Komandalararası Avropa çempionatı

VIII tur

Kişilər

Rusiya – Azərbaycan – 1:3

1. Aleksandr Qrişuk (2785) – Şəhriyar Məmmədyarov (2791) – 0:1

2. Yan Nepomnyatç (2733) – Teymur Rəcəbov (2741) – 0:1

3. Maksim Matlakov (2730) – Arkadi Naydiç (2702) – 1:0

4. Daniil Dubov (2677) – Rauf Məmmədov (2678) – 0:1

Turnir cədvəli: 1. Azərbaycan – 13 xal, 2. Rusiya – 12 xal, 3. Ukrayna – 12 xal

Qadınlar

Fransa – Azərbaycan – 1:3

1. Marie Sebaq (2495) – Günay Məmmədzadə (2393) – 0.5:0.5

2. Almira Skripçenko (2399) – Zeynəb Məmmədyarova (2298) – 0:1

3. Silvia Kollas (2288) – Fətəliyeva Ülviyyə (2348) – 0:1

4. Paulino Quşar (2285) – Gülnar Məmmədova (2385) – 0.5:0.5

Turnir cədvəli: 1. Rusiya – 15 xal, 2. Gürcüstan – 12 xal, 3. Polşa – 12 xal... 10. Azərbaycan – 9 xal

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM