Rusiyanın Soçi şəhərində keçirilən yeniyetmə və gənclər arasında qılıncoynatma üzrə Avropa çempionatı davam edir. Qılıncoynatma Federasiyasından apasport.az saytına verilən məlumata görə, martın 2-i start götürən turnirin növbəti yarış günündə sablya, şpaqa və rapira növlərində komanda yarışları baş tutub.

Gənc qılıncoynadanlarımız şpaqa və sablya növlərində keçirilən komanda yarışlarında qüvvəsini sınayıb. Xalid Əsədov, Qərib İbrahimov və Cavanşir Ağakişiyevdən ibarət sablya üzrə komandamız Polşa komandası ilə qarşılaşıb. Görüş polşalı sablyaçıların 45:36 hesablı qələbəsi ilə başa çatıb.

Məryəm Məlikova, Məryəm Sadıxova və Azərin İdriszadədən ibarət şpaqa üzrə komandamız isə çexiyalı şpaqaçılarla qarşılaşıb. Çexiya bu görüşdə 45:19 hesabı ilə qələbə qazanıb.

Soçidə keçirilən qılıncoynatma üzrə yeniyetmə və gənclərin Avropa çempionatına sabah yekun vurulacaq.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb