Koreyada təşkil edilən taekvondo üzrə dünya çempionatı davam edir. Apasport.az Azərbaycan Taekvondo Federasiyasının saytına istinadən xəbər verir ki, bu gün daha iki idmançımız mübarizəyə qoşulub.

Radik İsayev (+87 kq) ilk döyüşündə mərakeşli Ayoud Basselə qalib gəlib - 24:8. Ardınca Çin təmsilçisi Jian Tianı üstələyən (16:11) idmançımız yarımfinala vəsiqə uğrunda qarşılaşmada qabonlu taekvondoçu Antoni Obame ilə üz-üzə gəlib. Rəqibinə 13:15 hesabı ilə məğlub olan İsayev dünya çempionatı ilə vidalaşıb.

Digər təmsilçimiz Ramin Əzizov (87 kq) da ilk rəqibi Valbek Defaixə (Fransa Polineziya) şans verməyib (15:3). Tunisli Yassin Trabelsiyə də qalib gələn (10:9) Əzizov yarımfinal mərhələsi uğrunda döyüşdə uğurlu seriyanı davam etdirə bilməyib. O, serbiyalı İvan Trajkoviçə məğlub olaraq (15:22), yarışı başa vurub.

Qeyd edək ki, sabah kişi taekvondoçularımızdan Məhəmməd Məmmədov (63 kq), qadınlardan isə Yaprak Eriş (57 kq) mübarizə aparacaq.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM