Avstriyanın Obervart şəhərində cüdo üzrə Avropa açıq turnirinə start verilib. Apasport.az saytı xəbər verir ki, yarışın ilk günü Azərbaycan milli komandası və “Qəbələ” İdman Klubunun cüdoçuları Mehman Sadıqov və Vüqar Şirinli üçün uğurlu alınıb.
60 kq çəki dərəcəsində mübarizə aparan Sadıqov bütün rəqiblərinə qalib gələrək çempion olub. O, avstriyalı Valentino Krnjiç, qazaxıstanlı Bauyrjan Narbayev və mərakeşli İssam Bassou üzərində qələbə əldə etməklə yarımfinala yüksəlib. Bu mərhələdə yaponiyalı Tatsuhiko Yamamoto, finalda rusiyalı Qamzat Zairbekovla görüşən Mehman bu qarşılaşmalardan da qalib ayrılıb.
66 kq çəki dərəcəsində çıxış edən Vüqar isə avstriyalı Stefan Kudera və gürcüstanlı Laşa Qiunaşviliyə qalib gəlsə də, fransalı Kevin Azemaya uduzub. Təsəlliverici döyüşdə italiyalı Matteo Piras, bürünc uğrunda qarşılaşmada isə almaniyalı Manuel Şeybelə qalib gələn Şirinli 3-cü yeri tutub.
gabalafc.az
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib