Ukraynalı idmançılar Rusiyada keçiriləcək yarışlarda iştirak etməyəcəklər. Apasport.az saytı “RİA Novosti”yə istinadən xəbər verir ki, bu haqda Ukraynanın gənclər və idman naziri İqor Jdanov sərəncam imzalayıb.

Məlumatı da elə nazir özü feysbuk səhifəsi vasitəsilə yayıb. O, sərəncamın fotosurətini paylaşaraq, ukraynalı idmançıların bundan sonra Rusiyanın ərazisində keçirilən istənilən yarışa qatılmayacağını bildirib.

Jdanovun sözlərinə görə, Rusiyada keçirilən yarışlar ukraynalı idmançılar üçün təhlükəlidi. Bu səbəbdən də məlum sərəncamı imzalamaq lazım gəlib.

Ukraynanın gənclər və idman naziri hətta beynəlxalq federasiyalara da səslənib. Jdanov onları Rusiyanın ərazisində turnirlər keçirməməyə çağırıb.

• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ
• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb