Badminton üzrə kişilərdən ibarət Azərbaycan millisi Avropa çempionatının final mərhələsi çərçivəsində ilk matçına çıxıb. Badminton Federasiyasından apasport.az saytına verilən məlumata görə, komandamızın 3-cü qrupda ilk rəqibi Lüksemburq yığması olub.
Şəxsi görüşlərdə Orxan Qələndərov və Kənan Rzayev lüksemburqlu rəqiblərinə məğlub olsalar da, Ezmi Qovimuramadhoni Yuno Tomasla görüşdən qalib ayrılmağı bacarıb. Təmsilçilərimiz qoşa yarışlarda da qələbə qazana bilməyib. Orxan Rzayev, Kənan Qələndərov tandemi 3 setin yekununda 1:2 hesabı ilə uduzub. Cahid Əlhəsənov və Ezmi Qovimuramadhoni cütü isə lüksemburqlu həmkarlarına 0:2 hesabı ilə məğlub olub. Yekunda Lüksemburq yığması millimiz üzərində 4:1 hesablı qələbə qazanıb.
Kişilərdən ibarət milli komandamız Kazan şəhərində keçirilən qitə çempionatında növbəti görüşünü sabah İslandiya millisinə qarşı keçirəcək. Oyun Bakı vaxtı ilə saat 17:00-da başlayacaq.
- Azərbaycan Milli Paralimpiya Komitəsinin nümayəndələri Berlində görüşlərdə iştirak ediblər
- Azərbaycan İdman Akademiyası dünyada 5 ulduz alan ilk idman profilli ali təhsil müəssisəsi olub
- Bakıda eşitmə qüsurlu cüdoçular arasında V Avropa çempionatı keçiriləcək
- Bakıda yanğınsöndürmə və xilasetmə üzrə dünya çempionatının açılış mərasimi keçirilib
- Bakıda yanğınsöndürmə və xilasetmə üzrə dünya çempionatının açılış mərasimi keçirilib