ABŞ Olimpiya Oyunlarının keçirilməsinə iddia edir. Apasport.az saytının məlumatına görə, amerikalılar 2024-cü ilin yay və ya 2 il sonra keçiriləcək qış oyunlarına ev sahibliyi üçün Beynəlxalq Olimpiya Komitəsinə (BOK) rəsmi müraciət etmək niyyətindədir.

Bunu ABŞ Olimpiya Komitəsinin baş icraçı-direktoru Skott Blekmen açıqlayıb. O bildirib ki, BOK da yarışın ABŞ-da keçirilməsinə müsbət yanaşır: “Hələ qəti qərar verməmişik. Əlbəttə ki, qış oyunlarını keçirmək daha asan olar. Lakin ölkəmizdə yay idman növlərində ənənələr var. Həm də ABŞ-dakı son olimpiada qışda olduğundan, indi yaya üstünlük verməyimiz mümkündür”.

Qeyd edək ki, ardıcıl 3-cü dəfə Olimpiada keçirmək iddiasını ortaya qoyan Bakının da namizədliyi verilib. Bakının rəqibləri hələlik Toronto (Kanada), Sankt-Peterburq (Rusiya), Roma (İtaliya) və Dohadır (Qətər).

Bu şəhərlərə Vyana (Avstriya), Dubay (BƏƏ) və Nyu-York (ABŞ) da qoşula bilər. Üstəlik, Almaniyanın da iddiaçılar sırasına daxil olacağı gözlənilir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək