Bakıda keçiriləcək I Avropa Oyunlarına 500 gün qalmış Azərbaycan gənclər və idman naziri Azad Rəhimov hazırlığın gedişindən danışıb. Apasport.az saytının məlumatına görə, nazir gələn il iyunun 12-də start götürəcək yarışa kimi bütün idman obyektinin tam hazır olacağını deyib.

Rəhimov bildirib ki, Avropa Oyunlarına kimi böyük miqyaslı tikinti layihələri davam edəcək: “Metro və avtobus sistemlərinin inkişafından tutmuş yeni hava limanının da tikintisi gedir. Bu, növbəti onillikdə də bizim şəhərlər və cəmiyyətimiz üçün faydalı olacaq. Həmçinin, gəncləri idmana cəlb etmək üçün də ruhlandıracaq”.

Qeyd edək ki, Avropa Oyunlarında 49 ölkənin idmançılarının iştirakı gözlənilir. 

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək