Azərbaycanın daha iki idmançısı 2016-cı il Rio-de-Janeyro Yay Olimpiya Oyunlarına lisenziya qazanıb. Apasport.az saytının məlumatına görə, buna kayakçı İnna Osipenko-Rodomska və kanoeçi Valentin Demyanenko nail olublar.

33 yaşlı İnna bu uğura İtaliyanın Milan şəhərində keçirilən dünya çempionatında imza atıb. Qadınlar arasında 1 nəfərlik qayıqla (K-1) 500 metr məsafəyə yürüşdə yer alan Osipenko-Rodomska final yürüşündə finişə 1 dəqiqə 51,748 saniyəyə çataraq, 5-ci yeri tutub. Qaydalara əsasən, qadınlar arasında 1 nəfərlik qayıqla (K-1) 500 metr məsafəyə yürüşdə ilk "7-liy"ə düşənlər 2016-cı il Rio-de-Janeyro Yay Olimpiya Oyunlarına vəsiqə qazanıblar. Bu səbəbdən, onların arasında İnna da yer alıb.

32 yaşlı Demyanenko da 7-liy"ə düşməklə lisenziyanı rəsmiləşdirib. "Bakı 2015" I Avropa Oyunlarının gümüş mükafatçısı, 4 qat dünya və 4 qat Avropa çempionu 1 nəfərlik qayıqla (C-1) 200 metr məsafəyə final yürüşündə finişə 39,489 saniyəyə çataraq, 6-cı yeri tutub.

Mənbə: amaf.az

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı