“Almaniya ilə oyuna qədər tam hazır olacağam”. Apasport.az xəbər verir ki, bunu Portuqaliya millisinin futbolçusu Kriştianu Ronaldo deyib.
 

Ulduz futbolçu bu gün Braziliyada start götürəcək DÇ-2014-ün oyunlarında tam gücü ilə oynayacağını bildirib: “Məşqlərdə özümü çox yaxşı hiss edirəm. Həkimlər də tövsiyələrini verirlər. Onlara qulaq asdıqca, dediklərini etdikcə, daha tez sağalıram. DÇ-dəki oyunlara həm fiziki, həm də psixoloji baxımdan hazır olmaq lazımdır. Bunu edəcəyimdən şübhəm yoxdur”.
 

Ronaldo Almaniya ilə oyun üçün şansları da dəyərləndirib: “Almaniya ilə Avropa çempionatında qarşılaşmışdıq. Hər iki komanda bir-birini tanıyır. Onlar bütün turnirlərdə favorit komanda olublar. Çox çətin oyun olacaq. Avro-2012-də Hollandiya və Danimarkanın olduğu qrupdan çıxdıq. Burda da eyni şey bacaracağıq. İlk oyunda qələbə çox önəmli olacaq”.
 

Qeyd edək ki, Portuqaliyanın yer aldığı G qrupunda Almaniya, Qana və ABŞ yığmaları var.

• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"