Beynəlxalq Сüdo Federasiyası yeni reytinq cədvəlini açıqlayıb. Apasport.az saytının məlumatına görə, siyahı Azərbaycan millisinin aparıcı idmançıları üçün yenə uğurlu alınmayıb.

Belə ki, həmyerlilərimizdən yalnız Tərlan Kərimov (66 kq) irəliləyib ki, o da 81-ci yeri 80-cı pilləyə dəyişib. Ondan fərqli, Nicat Şixəlizadə (66 kq), Tural Səfquliyev (81 kq), Şahin Qəhrəmanov (90 kq), Elmar Qasımov (100 kq) və Kifayət Qasımova (57 kq) geriləyiblər. Cüdoçularımız hazırda müvafiq olaraq, 8-ci, 57-ci, 13-cü, 12-ci (hamısı -1) və 18-ci (-5) yerə eniblər.

Komandamızın heyətində Orxan Səfərov, İlqar Müşkiyev ( hər ikisi 60 kq), Rüstəm Orucov (73 kq), Məhəmmədəli Mehdiyev (81 kq) və Elxan Məmmədov (100 kq) isə mövqelərini qoruyublar. Onlar yenə müvafiq olaraq, 6-cı, 14-cü, 13-cü, 43-cü və 2-cidir.

Qeyd edək ki, bu idman növündə Olimpiadaya lisenziya reytinq cədvəlinə əsasən verilir.

• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"