Azərbaycan millisinin Soçidə keçiriləcək XXII Qış Olimpiya Oyunlarına gedəcəyi tarix dəqiqləşib. Apasport.az saytının məlumatına görə, 5 idmançı ilə təmsil olunacağımız möhtəşəm yarışa nümayəndə heyətimiz və atletlərimiz 2 dəfəyə yollanacaqlar.

Belə ki, Rusiyaya ilk dəstə fevralın 3-də yollanacaq. Nümayəndə heyətinin ikinci qrupu isə Soçidə 2 gün sonra olacaq. Olimpiadanı canlı izləyənlər arasında gənclər və idman naziri Azad Rəhimov və Milli Olimpiya Komitəsinin (MOK) vitse-prezidenti Çingiz Hüseynzadə də olacaq.

Qeyd edək ki, komandamıza MOK-un beynəlxalq əlaqələr idarəsinin rəisi Könül Nurullayeva rəhbərlik edəcək. Fevralın 7-23-də keçiriləcək Olimpiadada ölkəmizin idman şərəfini fiqurlu konkisürmə növündə Aleksey Sitnikov - Yuliya Zlobina dueti, xizəkçilər Patrik Braxner, Sedrik Notz və Qaya Bassani Antivari qoruyacaqlar. 

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək