Fövqəladə Hallar Nazirliyi Mülki müdafiə qoşunlarının hərbi hissələri arasında sərbəst güləş üzrə birincilik keçirilib.

FHN-dən APA-ya verilən xəbərə görə, Azərbaycan Respublikası Dövlət Himninin səsləndirilməsi ilə başlayan tədbirdə Ümummilli Lider Heydər Əliyevin və Azərbaycanın suverenliyi, ərazi bütövlüyü, torpaqlarımızın azadlığı uğrunda şəhid olanların xatirəsi bir dəqiqəlik sükutla yad edilib.

Daha sonra yarışlara start verilib. Mülki müdafiə qoşunlarının komandanlığının Fiziki hazırlıq və idman şöbəsinin zabitlərindən ibarət hakimlərin idarəçiliyi ilə keçirilən birincilikdə 8 çəki dərəcəsi üzrə 81 idmançı iştirak edib.

Yarışda komanda hesabında birinci yeri Gəncə şəhərində yerləşən “N” saylı hərbi hissənin, ikinci yeri Şirvan şəhərində yerləşən “N” saylı hərbi hissənin, üçüncü yeri isə Qəbələ şəhərində yerləşən “N” saylı hərbi hissənin komandası tutub.

Sonda qalib gələn komandalar kubok, medal və fəxri fərmanlarla ilə təltif olunub.

• Azərbaycan Güləş Federasiyasında yeni komitə təsis edilib
• Azərbaycan Güləş Federasiyası MÜTDA ilə birlikdə yeni layihəyə start verib
• Azərbaycanın sərbəst güləş millilərində yeni məşqçi təyinatları olub
• Millinin baş məşqçisi Vyetnamda təlim keçib
• Azərbaycanın güləş yığmaları hazırlıqları müxtəlif bölgələrdə davam etdirirlər