Gənclər və İdman Nazirliyi ilə Azərbaycan Kanoe və Avarçəkmə Federasiyasının (AKAF) birgə təşkil etdiyi avarçəkmə üzrə Azərbaycan birinciliyinə yekun vurulub.

Apasport.az xəbər verir ki, yarışların ikinci günündə idmançılar akademik, kayak və kanoe növlərində 200, 500 və 1500 metr məsafədə 10 dəst medal uğrunda mübarizə aparıblar. Qaliblər diplom və medallarla mükafatlandırılıb. İlk dəfə olaraq bu Azərbaycan birinciliyində avarçəkənlər 4 nəfərlik kayak qayığında yarışıblar.  

Yarışda fərqlənən idmançılar Ümummilli Lider Heydər Əliyevin xatirəsinə həsr olunan “Prezident Kuboku-2025” beynəlxalq reqatasında iştirak edəcək komandanın heyətinə cəlb olunacaq.

Qeyd edək ki, AKAF yeniyetmə və gənclər arasında avarçəkmə idman növünün populyarlığını artırmaq və kütləviliyi təmin etmək, nəticədə gələcəkdə güclü milli komanda formalaşdırmaq məqsədilə il ərzində yeniyetmə və gənclər arasında bir neçə ölkədaxili və beynəlxalq yarışlar təşkil edir. 

• Tatyana Smilovenko Avropa çempionatında Azərbaycanı təmsil edəcək
• Avarçəkənlərimiz Uralsk reqatasını medallarla başa vurublar
• Azərbaycan yelkənçiləri Türkiyədə "Lorima Cup" beynəlxalq reqatasında iştirak ediblər
• Azərbaycan "Prezident Kuboku 2026" beynəlxalq reqatasını 9 medalla başa vurub
• "Prezident Kuboku 2026" beynəlxalq reqatasının püşkatma mərasimi keçirilib