Avarçəkmə üzrə Azərbaycan birinciliyi keçiriləcək.

Apasport.az xəbər verir ki, Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşkilatçılığı əsasında 16-17 mart tarixlərində avarçəkmə üzrə Azərbaycan birinciliyi keçiriləcək.

Yeniyetmə və gənclər arasında baş tutacaq turnir Mingəçevir “Kür” Olimpiya Tədris-İdman Mərkəzində təşkil olunacaq.

Azərbaycan birinciliyində 2007-2012-ci il təvəllüdlü 100-dən çox idmançı müxtəlif yaş kateqoriyalarında akademik, kayak və kanoe növlərində mübarizə aparacaqlar. İdmançılar akademik növdə 1,2 və 4 nəfərlik qayıqlarda 500, 1000 və 1500 metr, 1 nəfərlik kanoedə 200, 500 və 1000 metr, 1,2 və 4 nəfərlik kayakda 200, 500 və 1000 metr məsafədə medal qazanmağa çalışacaqlar. Qeyd edək ki, ilk dəfə olaraq ölkədaxili turnirlərdə 4 nəfərlik kayak qayığında yarışlar keçiriləcək. 

Qaliblər diplom və medallarla mükafatlandırılacaq.

• Tatyana Smilovenko Avropa çempionatında Azərbaycanı təmsil edəcək
• Avarçəkənlərimiz Uralsk reqatasını medallarla başa vurublar
• Azərbaycan yelkənçiləri Türkiyədə "Lorima Cup" beynəlxalq reqatasında iştirak ediblər
• Azərbaycan "Prezident Kuboku 2026" beynəlxalq reqatasını 9 medalla başa vurub
• "Prezident Kuboku 2026" beynəlxalq reqatasının püşkatma mərasimi keçirilib