Bu gün Türkiyə Kubokunun 1/4 finalında “Fənərbaxça” və “Qalatasaray” tarixdə 403-cü dəfə üz-üzə gələcək.
Apasport.az xəbər verir ki, 17 yanvar 1909-cu ildə "Qalatasaray"ın 2:0 qalib gəldiyi xüsusi matçla başlayan rəqabətdə qələbələr və vurulan qolların sayına görə "Fənərbaxça"nın üstünlüyü var.
"Sarı-lacivərdlilər" 402 matçın 149-da qələbə qazanıb, "sarı-qırmızılılar" isə 129 dəfə qalib gəlib. 124 qarşılaşmada tərəflər bərabərliyi poza bilməyib.
"Fənərbaxça" bütün qarşılaşmalarda 542, "cimbom" isə 500 qola imza atıb.
"Qalatasaray" kubok oyunlarında "Fənərbaxça"dan üstündür
1962-1963 mövsümü ilə başlayan və qısa müddətə Federasiya Kuboku adı altında təşkil edilən Türkiyə Kubokunda türk futbolunun iki nəhəngi 27 dəfə mübarizə aparıb.
Sözügedən yarışlarda "Qalatasaray" 14 dəfə qalib gəldiyi halda, "Fənərbaxça" cəmi 3 dəfə qələbə qazanıb. 10 görüş isə heç-heçə başa çatıb. "Qalatasaray"ın kubok derbilərində vurduğu 44 qola "Fənərbaxça" 29 qolla cavab verib.
"Fənərbaxça" - "Qalatasaray" arasında keçirilən son 10 rəsmi matç
İki komanda arasında baş tutan son 10 derbidə "Qalatasaray"ın üstünlüyü var.
Yarışda keçirilən son 10 qarşılaşmada 5 dəfə "cimbom", 3 dəfə isə "Fənərbaxça" qalib gəlib.
Oxşar xəbərlər
Ana səhifə
Bütün xəbərlər