Qadın voleybolçular arasında CEV kubokunda “Çelenc raund” və yarımfinal mərhələlərinin cütlükləri məlum olub. Apasport.az saytının məlumatına görə, yarışın 1/4 finalında bu gün “Omiçka” ilə qarşılaşacaq “Bakı-Azəryol”un da potensial rəqibi bilinib.

Belə ki, Aleksandr Çervyakovun yetirmələri ilk qarşılaşmada uduzduqları Rusiya klubunu keçəcəkləri halda Rumıniya “Tomis”i ilə qarşılaşacaqlar. Yarımfinalda isə onları “Bank Fakro” (Polşa) – “Aluprof” (Polşa) cütünün güclüsü gözləyəcək.

Digər “Çelenc raund” cütlüyündə isə “Fənərbaxça” (Türkiyə) – “Tauron” (Polşa) və “Kalais” (Fransa) – “Uraloçka” (Rusiya) yer alıb.

Qeyd edək ki, bu mərhələnin ilk oyunları yanvarın 8-10-da, cavab görüşləri isə bir həftə sonra olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq