Çempionlar Liqasının I pley-off mərhələsinin baş tutan Bakı derbisində - “Azərreyl” – “Lokomotiv” qarşılaşmasında oyunun ən yaxşısının adı bilinib. Apasport.az saytının məlumatına görə, ilk görüşdə 3:0 hesabı ilə qalib gələn Alessandro Çiappininin komandasından Meqan Hodj daha məhsuldar olub.

Amerikalı legioner 25 xal toplayıb. “Azərreyl”in heyətindəki digər voleybolçulardan - Manon Flier 14, Sara Anzanello 9, Karolina Vensink 8, Debbi Stam 4, Milena Radeçka və İndre Sorokayte hərəyə 2 xala sevinib.

“Lokomotiv”də isə həmişəki kimi çexiyalı Aneta Havlikova fərqlənib. O, komandasının hesabına 18 top yazıb. Klubun üzvlərindən Ju Kosta 9, Mixaela Monzoni 6, Maret Qrotues 5, Korina Suşke ilə Tatyana Artmenko hərəyə 3 və Diana Nenova 2 dəqiq zərbə vurub.

Qeyd edək ki, cavab matçı yanvarın 23-də olacaq.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq