Polşa millisinin voleybolçusu Katarjina Skovronska “Rabitə”yə keçidinə münasibət bildirib. Apasport.az saytının məlumatına görə, 30 yaşlı hücumçu Azərbaycan çempionunun heyətinə Çempionlar Liqasının qalibi olmaq üçün gəldiyini deyib.

“Rabitə” ilə 1 illik müqavilə bağlamışam. Bu klubla arzumu gerçəkləşdirib, medal kolleksiyamda olmayan Çempionlar Liqasının qızılını qazanmaq istəyirəm. Mənim üçün həm də Avropaya qayıtmaq vacib idi. Çünki 2 il idi “Köhnə qitə”dən kənarda - Çinin “Quançjou Everqrand”da çıxış edirdim. Bu qərarı verdiyim üçün xoşbəxtəm” – deyə, Katarjina bildirib.

Qeyd edək ki, yığması ilə 3 dəfə Avropa çempionu olan Skovronska İtaliya, Türkiyə, Çin, Asiya Çempionlar Liqası, klublararası dünya çempionatının qalibi olsa da, Avropa Çempionlar Liqasında bürünc qazana bilib.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub