Bolqarıstan millisinin voleybolçusu Dobriana Rabadjiyeva “Qalatasaray”la rəsmi müqaviləyə imza atıb. Apasport.az saytının məlumatına görə, son 2 ili “Rabitə”də keçirən oyunçu İstanbul təmsilçisi ilə 1 illik anlaşıb və ictimaiyyətə təqdim olunub.

Belə ki, 22 yaşlı Dobriana müəyyən müddət öncə “sarı-qırmızılarla” danışıqları yekunlaşdırsa da, rəsmi sənədə yenicə qol çəkib. Onun üçün Burhan Fələk Voleybol Salonunda xüsusi imza mərasimi təşkil edilib və komanda meneceri Orkun Darnellə ictimaiyyət qarşısına çıxıblar.

Qeyd edək ki, Rabadjiyeva Bakı klubu ilə 2 dəfə Azərbaycan, 1 dəfə dünya çempionu olub. O, həmiçin mundialın və Çempionlar Liqasının gümüş medalını qazanıb.

• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq