Lebron Ceyms karyerası ilə bağlı qərarını verib. Apasport.az saytının məlumatına görə, “Klutch Sports Group”un rəsmi bəyanatında 33 yaşlı basketbolçunun növbəti mövsümdən etibarən “Los Anceles Leykers” formasını geyəcəyi bildirilib.

Lebron Ceyms yeni klubu ilə ümumilikdə 154 milyon dollar dəyərində olan 4 illik müqaviləni razılaşdırıb. Liqanın şərtlərinə görə, ulduz basketbolçu 6 iyul tarixindən erkən sazişə imza ata bilməz.

Məlumatın açıqlanmasının ardından Lebron Ceyms sosial media hesabı vasitəsilə “Klivlend Kavalyers” azarkeşləri ilə vidalaşıb.

Qeyd edək ki, Lebron Ceyms karyerası ərzində “Klivlend Kavalyers” (2003-2010, 2014-2018) və “Mayami Hit”də (2010-2014) çıxış edib. O, 3 dəfə (2012, 2013, 2016) NBA çempionu adını qazanıb.

• Voleybolçularımız Ermənistan təmsilçilərini məğlub ediblər
• "Azərreyl"dən növbəti transfer
• "Azərreyl"də yeni transfer
• Voleybolçularımız Gürcüstana yollanıblar
• “Azərreyl”də yeni voleybolçu