“Azəryol”un voleybolçusu Lenka Dürr Çempionlar Liqasında mübarizəni dayandırmalarını bəxtsizliklə əlaqələndirib. Apasport.az saytının məlumatına görə, almaniyalı libero komandasının İtaliya “Yamamay”ından heç də zəif olmadığını açıqlayıb.

Onun sözlərinə görə, “Dördlər finalı”nın 1 addımlığında yarışla vidalaşsalar da, Azərbaycan Super Liqasında bunu sığortalamağa çalışacaqlar: “Çempionlar Liqası ilə vidalaşdıq. Lakin bu komandamızın rəqibdən zəif olması anlamına gəlməməlidi. Biz gərgin keçən qarşılamada “Yamamay”ı 5 setdə məğlub etsək də, mübarizəni dayandırmalı olduq. Bundan sonra bütün diqqətimizi Azərbaycan çempionatına yönəldəcəyik”.

Qeyd edək ki, Bakıda 1:3 hesabı ilə “Yamamay”a uduzan “Azəryol” cavab qarşılaşmasında 3:2 hesabı ilə qalib gəlsə də, II pley-off mərhələsinə rəqib vəsiqə qazanıb. 

• Yüksək Liqa: XIX tura yekun vurulub
• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə