Qadın voleybolçular arasında Azərbaycan çempionatında “Lokomotiv” 4-cü medalını təmin edib. Apasport.az saytının məlumatına görə, pley-off mərhələsində “Azəryol”u məğlub etməklə finala yüksələn “dəmiryolçular” ən azı gümüş medala sahib olacaqlar.
Əsası 2008-ci ildə qoyulan, Super Liqa tarixində 2 gümüş və 1 bürünc medal qazanan “Lokomotiv” həlledici dueldə “Rabitə”yə qalib gəlsə, yarışın dəyişməz çempionunun hegemonluğuna son qoyacaq, məğlub olarsa, 3-cü “gümüş”ünü əldə edəcək.
Bununla, Bakı təmsilçisi 2 mövsümlük uğursuzluğa son qoyub.
Belə ki, 2012-ci ildə qazanılan ikincilikdən sonra “Lokomotiv” mükafatçılar sırasına düşə bilmirdi. 2010-cu ildə də eyni əyarlı medal qazanan “dəmiryolçular”ın hesabında 6 il öncə qazanılan “bürünc” də var.
3-cü yer uğrunda “Azərreyl”lə oynayacaq “Azəryol” isə tarixində ilk dəfə bürünc medal qazana bilər. Hamıdan çox – 4 dəfə ikinci yerin sahibi olan bakılılar digər 2 çempionatda “üçlük”dən kənar qalib.
2 mövsümlük fasilədən sonra mükafatsız qalmaq təhlükəsi ilə üz-üzə qalan “Azəryol” “Azərreyl”ə uduzarsa, 2009/2010 və 2011/2012 mövsümündəki uğursuzluğu yaşayacaq.
“Rabitə” isə çempion olarsa, rekordunu yeniləməklə, Azərbaycanda hələ də rəqib tanımadığın növbəti dəfə sübuta yetirəcək.
Qeyd edək ki, final mərhələsinin oyunları sabah başlayacaq.
Oxşar xəbərlər
Ana səhifə
Bütün xəbərlər