Qadın voleybolçulardan ibarət Azərbaycan millisinin Avropa Liqasının yarımfinal mərhələsindəki oyunlarının vaxtı dəqiqləşib. Apasport.az saytının məlumatına görə, Faiq Qareyevin yetirmələri finala gedən yolda Yunanıstanla hər 2 qarşılaşmanı Bakıda keçirəcək.

Belə ki, rəqib artıq ev oyununa da paytaxtımızda çıxmağa razılıq verib. Bu səbəbdən də komandalar ardıcıl 2 gün üz-üzə gələcəklər. İyunun 25-də baş tutacaq qarşılaşmada Yunanıstan nominal ev sahibi olacağı halda, 1 gün sonra qonaq kimi meydana çıxacaq. “Azərreyl” Voleybol Mərkəzində təşkil olunacaq oyunlar saat 18:00-da başlayacaq.

Qeyd edək ki, digər yarımfinal cütündə Sloveniya və Slovakiya qarşılaşacaq. 

• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə
• "Azərreyl" "Gənclər"ə qarşı - Yüksək liqada növbəti oyunlar