“Oyunun bizim üçün nisbətən asan keçdiyini düşünürəm”. Apasport.az saytının məlumatına görə, bunu “Azərreyl”in baş məşqçisi Famil Ağayev deyib.

Çempionlar Liqasında IV turun oyunları keçirilib. Bakıda Fransa çempionunu “Sen-Rafael”i qəbul edən “dəmiryolçular” rəqiblərini darmadağınla (3:0) yola salıb. Ağayev bildirib ki, yalnız startda bir qədər çətin olub: “İlk set gərginliklə yadda qalsa belə, öz oyunumuzu tapa bildik. Nəticədə üç xalı aktivimizə yazdırdıq”.

Voleybol Federasiyasının feysbuk səhifəsinə danışan “Sen-Rafael”in baş məşqçisi Culio Breqoli isə kobud səhvlərin qurbanı olduqlarını açıqlayıb: “Çətin oyun oldu, qəbulda kobud səhvlərə yol verdik. Oyunumuz alınmırdı. Rəqib bizdən güclü idi”.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq