Qadınlar arasında voleybol üzrə Türkiyə çempionatında XV turun oyunları davam edir. Apasport.az saytının məlumatına görə, hesabat turunda Azərbaycan millisində çıxış edən iki voleybolçunun komandası da meydana çıxıb.

Yana Kulanın şərəfini qoruduğu “Çanaqqala Bələdiyyə” öz meydanında “Eczaçıbaşı” ilə qarşılaşıb. Görüş qonaqların 3:1 hesablı qələbəsi ilə yekunlaşıb. Yana bu görüşdə 9 xal toplayıb.

Kseniya Poznyakın komandası “Beşiktaş” da turu məğlubiyyətlə başa vurub. “Qara qartallar” səfərdə “Halkbanka” boyun əyməli olublar. Kseniyanın topladığı 10 xal komandasına kömək etmək üçün yetərli olmayıb.

Qeyd edək ki, geridə qalan 15 turdan sonra “Çanaqqala Bld.” 27 xalla 5-ci, “Beşiktaş” isə 19 xalla 8-ci pillədə qərarlaşıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq