Qadın voleybolçular arasında Türkiyə Superliqasının əsas mərhələsi başa çatıb. Apasport.az saytının məlumatına görə, XXII turun oyunlarından sonra bu çempionatda çıxış edən Azərbaycan millisinin voleybolçularının pley-off arzuları puç olub.

Belə ki, hücumçumuz Yana Ağayevanın şərəfini qoruduğu “Çanakqala Bld” “Fənərbaxça”nın qonağı olub. Qarşılaşma təmsilçimizin komandası üçün uğursuz alınıb və ev sahiblər “quru hesablı” qələbə qazanıblar – 3:0 (25:19; 25:20; 25:20).  Ağayeva 12 xalla komandasının ən yaxşısı olub.

Millimizin toppaylayıcısı Anita Bredisin çıxış etdiyi “Yeşilyurt” isə əsas mərhələni qələbəsiz başa vurub. Onlar bu dəfə “Sarıyer Bld” klubunun qarşısında aciz qalıblar – 0:3 (24:26; 18:25; 16:25). Bredis matçda 2 xal toplayıb.

Beləliklə, 22 matçdan 24 xal toplayan “Çanakqala Bld” 9-cu, 1 xala sahib “Yeşilyurt” 12-ci olub. Reqlamentə əsasən isə 9-12-ci yerlər Superliqada qalmaq uğrunda mübarizəni davam etdirəcəklər. Bu oyunlar 2 dövrədən ibarət olacaq. “Çanakqala Bld”, “İlbank”, “Beşiktaş” və “Yeşilyurt” martın 27-29 və aprelin 3-5-də münasibətlərinə aydınlıq gətirəcəklər.

• Yüksək Liqa: XIX tura yekun vurulub
• Yüksək Liqa: “Murov Az Terminal” və “Ordu”dan qələbə
• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə