İspaniyanın Qvadalaxara şəhərində keçirilən karate üzrə Avropa çempionatında Azərbaycan millisi qızıl medalsız qalıb.

Apasport.az-ın xəbərinə görə, finalda yarışan İrina Zaretskaya (68 kq) və Fəridə Əliyeva (+68 kq) finalda uduzaraq gümüş medalla kifayətlənməli olub.

İdmançılarımız müvafiq olaraq Elena Kviritsi (İsveçrə) və Yohana Kneerə (Almaniya) uduzub. Hər 2 görüşdə hesab açılmasa da, hakimlər qələbəni rəqib idmançıya verib.

Digər qadın idmançımız Fidan Teymurova (50 kq) da uğursuz olub. O, bürünc medal görüşündə meydan sahibi idmançısı olan Nadya Qomesə 0:9 hesabı ilə uduzaraq mükafatsız qalıb.

Kişi kumiteçilərimizdən Tural Ağalarzadə (67 kq) və Fərid Ağayev (75 kq) isə bürünc medal qazanıb. Tural Luka Mareskaya (İtaliya) 2:1, Fərid Rodriqo İbanyesə (İspaniya) 8:3 qalib gəlib.

Beləliklə, Azərbaycan yarışı 2 gümüş və 2 bürünc medalla tamamlayıb. Bununla da Azərbaycan ardıcıl 2-ci ildir ki, Avropa çempionatında qızıl medal qazana bilmir.

• "Qarabağ" azarkeşlərinə görə cərimələndi
• Sabiq baş məşqçisini qaytarmağa qərar verdi
• “Qarabağ”ın hücumçusu klubdan ayrıldı
• "Latsio"nun sabiq baş məşqçisi Əlcəzair millisində
• "Fənərbaxça"da Merih Demiral iddiası