“Qarabağ”ın UEFA Çempionlar Liqasının II təsnifat mərhələsinin ilk oyunu ilə bağlı səfər proqramı bəlli olub.

Apasport.az-ın məlumatına görə, Azərbaycan çempionu iyulun 25-də Polşaya yola düşəcək.

“Rakuv”un qonağı olacaq “Qarabağ” çərşənbə axşamı saat 11:30-da səfərə çıxacaq. Həmin gün yerli vaxt ilə 19:40-da (Bakı vaxtı ilə 21:40) baş məşqçi Qurban Qurbanovun mətbuat konfransı keçiriləcək. Bundan sonra matçın oynanılacağı “Miejski” stadionunda media üçün 15 dəqiqəlik açıq məşq baş tutacaq.

Qeyd edək ki, iyulun 26-da keçiriləcək “Rakuv” – “Qarabağ” matçı Bakı vaxtı ilə 22:15-də start götürəcək.
 

• Danimarka KUPONU
• Turan Manafov: “İsveç və Belçika ilə oyunlarda xal qazana bilərik” - Müsahibə
• Kadi bu klubla razılığa gəldi - müqavilə günü bilindi
• "Formula 2": Sprint yarışının qalibi mükafatlandırılıb
• “Böyük beşlik”də Qol/Qol sevgisi