Kikboksinq üzrə Azərbaycan çempionatı keçiriləcək.

Apasport.az saytının məlumatına görə, 20-22 may tarixlərində kişi və qadınlar arasında keçiriləcək yarış pandemiya səbəbindən iki illik aradan sonra təşkil olunacaq.

XXVI Azərbaycan çempionatında ilk dəfə kikboksinqin “Full Contact” növü üzrə mübarizə gedəcək. Buna səbəb avqustda Türkiyənin Konya şəhərində keçiriləcək V İslam Həmrəylik Oyunlarında bu növ üzrə yarışın salınmasıdır.

Beləliklə, XXVI Azərbaycan çempionatı “Low Kick” və “Full Contact” növü üzrə keçiriləcək. Kişilərdə hər iki növ üzrə 12, qadınlarda 5 çəki dərəcəsində mübarizə reallaşacaq.

Sərhədçi İdman Olimpiya Mərkəzində keçiriləcək yarışda ilkin mərhələyə sabah saat 09:00-dan etibarən start veriləcək. Saat 14:00-da isə yarışın açılış mərasimi təşkil olunacaq.

Qeyd edək ki, bu yarışın qalibləri İslamiadada Azərbaycanı təmsil etmək hüququ əldə edəcək.
 

• Cüdoçularımız dünya çempionatında mübarizəni dayandırıblar
• Ronaldo məhkəməyə verilir
• Üst KUPON
• İngiltərə kuponu
• Konfrans Liqasına KUPON