“Muğan” üç futbolçu ilə müqavilə bağlayıb. Bu barədə apasport.az saytına komandanın vitse-prezidenti Bəhruz Şirəliyevin məlumat verib. Onun sözlərinə görə, ötən yay transfer etdikləri qapıçı Edis Kurtanoviç, müdafiəçi Miloş Zeçeviç və yarımmüdafiəçi Ekrem Hoidziçlə yeni müqavilə imzalanıb.

“Hər üç bosniyalı legionerin çıxışından razıyıq. Onlar müqavilələri bitmək üzrədir və anlaşmaları yenilədik. Yeni müqavilələr bir illik nəzərdə tutulub. Mövsüm bitəndən sonra vidalaşacağımız futbolçuları təxminən müəyyənləşdirmişik. Ancaq qarşıdakı vacib oyunlar olduğundan onların adlarını açıqlamaq istəmirəm” – deyə Şirəliyev bildirib.

Vitse-prezident, vurğulayıb ki, komandadan gedənlər əsasən ehtiyatda qalanlar olacaq: “Elə oynayanlar da gedə bilər. Yerli futbolçularımızın bir çoxu ilə müqavilələr iki illikdir. Yəni, anlaşmalarının başa çatmasına hələ var. Müqavilələri bitənlərlə danışıb, məsələni həll edəcəyik”.

• “Atletiko”dan sərt addım - “Barselona”dan FIFA-ya şikayət ediləcək
• "Bavariya"nın qapıçısı “Beşiktaş”ı istəyir - Rəhbərliyə bildirdi
• İkardiyə ölkədən çıxış qadağası - Vanda Nara şikayət edib
• Remzidən gözlənilməz qərar - 35 yaşında baş məşqçi oldu
• “Anderlext”də yeni dövr - Vitor Bruno ilə müqavilə imzalandı