“Baxımlı oyun alındı. Hər iki komandanın qol vurmaq üçün imkanı oldu”. Apasport.az saytının Kişinyova ezam olunan xüsusi müxbirinin məlumatına görə, bu sözləri “Xəzər-Lənkəran” klubunun baş məşqçisi Ağasəlim Mircavadov deyib.

O, Avropa Liqasının I təsnifat mərhələsinin Moldovanın “Olimpiya” klubu ilə görüşündən sonra təşkil olunan mətbuat konfransında oyunla bağlı fikirlərini açıqlayıb. Mircavadov cütün taleyinə cavab matçında aydınlıq gələcəyini açıqlayıb: “Biz nəticə üçün oynayırdıq. Hər şey Lənkəranda bəlli olacaq. Bu oyuna 2 həftə hazırlıq keçmişdik. Bu da azdır. Yaxşı hazırlaşıb cavab oyununda qələbə qazanmağa çalışacağıq”.

Qeyd edək ki, Kişinyovda keçirilən “Olimpiya” – “Xəzər-Lənkəran” oyunu 0:0 hesabı ilə başa çatıb.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi