Argentinalı qapıçı Leo Frankonun Türkiyənin “Qalatasaray” klubundan gedişi rəsmiləşib. Apasport.az saytının məlumatına görə, təcrübəli qapıçı İspaniyanın “Saraqosa” komandasına keçib.

Franko Primero təmsilçisinə sərbəst futbolçu kimi qismət olub. Onunla iki illik müqavilə imzalanıb. Leo ilə Primeronun debütantı “Erkules” da maraqlansa da, argentinalı “Saraqosa”ya üstünlük verib.

Qeyd edək ki, karyerasının böyük hissəsini İspaniyada keçirən Franko ötən yay Madridin “Atletiko” klubundan “Qalatasaray”a keçmişdi. Əsas qapıçı İstanbul təmsilçisində mövsümün sonunda, “Fənərbaxça” ilə derbi oyunda (0:1) qolda buraxdığı kobud səhvdən sonra ehtiyata düşdü.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi