Yeni mövsümə hazırlıqları davam etdirən Bakının “İnter” klubu Bolqarıstandakı təlim-məşq toplanışı çərçivəsində növbəti yoxlama oyununu keçirib. Apasport.az saytının məlumatına görə, Kaxaber Sxadadzenin yetirmələri Plovdivin “Lokomotiv” komandası ilə qarşılaşıb.

Azərbaycan çempionu Plovdiv təmsilçisinə qalib gələ bilib. Bakılılar oyunun 68-ci dəqiqəsində Petar Zlatinovun vurduğu qolla meydanı qalib tərk edib – 1:0. Bu, paytaxt təmsilçisinin Bolqarıstandakı 5-ci qələbəsi olub.

Qeyd edək ki, plovdivlilərlə görüş “İnter”in toplanışda keçirdiyi 7-ci qarşılaşma olub. Bunadək “Pravets” (6:1), “KOM Minyor” (3:1), “Botev” (2:1), MOİK (1:0) üzərində qələbələri sıralayan bakılılar son iki matçda “Vidima-Rakovski” ilə heç-heçə (2:2) edib, “Eter”ə (1:2) məğlub olmuşdu.

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi