Türkiyənin “Fənərbaxça” klubunun sabiq futbolçusu Andreas Vagenhausun keçmiş Almaniya Demokratik Respublikasının (ADR) casusu olduğu üzə çıxıb. Lent.az-ın İsveçrənin “Tages Anzeiger” qəzetinə istinadən verdiyi məlumata görə, Vagenhaus 1989 – 1993-cü illərdə “Dinamo” (Drezden) komandasında oynadığı vaxt ADR-in STASİ adlı kəşfiyyat orqanına “işləyib”.

O, komanda yoldaşı Detlef Şösslerlə birgə bu işi həyata keçirib. Hər iki oyunçu “Dinamo” Avropa kuboku matçlarına gedərkən, komandadakı digər oyunçuların ADR-dən qaçma planlarını STASİ-yə ötürüblər.

Qeyd edək ki, Andreas Vagenhaus 1993-1994-cü il mövsümündə “Fənərbaxça”ya transfer olub. İstanbul klubu ilə 2 illik müqavilə bağlayan müdafiəçi 20 oyunda 1 qol vurub. O, müqaviləsi başa çatmadan mövsümün sonunda qarşılıqlı razılıq əsasında komandanı tərk edib. Vagenhaus 1990-cı ildə ADR yığmasının heyətində 3 matçda iştirak edib. 1991-ci ildə ADR Almaniya Federativ Respublikasına birləşərək, vahid Almaniyaya çevrilib.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA