“Gözəl komanda formalaşıb. Hazırda heyətimizdə əla abı-hava hökm sürür”. Apasport.az saytının məlumatına görə, bu fikirlər Belçika yığmasının futbolçusu Yan Vertongenə məxsusdur.

Avro-2012-nin seçmə mərhələsində Azərbaycanla eyni qrupda yer alan belçikalıların müdafiəçisi Avstriya üzərində 2:0 hesablı qələbə qazandıqları üçün xoşbəxt olduqlarını bildirib. Onun sözlərinə görə, martın 29-da Berti Foqtsun yetirmələri ilə oyunda da milli komandalarını yalnız qələbə qane edəcək: “Avstriya üzərində qələbədən sonra xoşbəxtik. Lakin özümüzə qarşı tələbkar olmalıyıq. Çünki növbəti rəqibimiz Avstriyadan fərqlidir. Azərbaycan milli komandası ilə qarşılaşacağıq və qələbə sayəsində Avro-2012-nin final mərhələsinə yüksəlmək şanslarımızı saxlayacağıq. Düzdür, Avstriyaya qarşı ehtiyatla oynayırdıq. Lakin Berti Foqtsun yetirmələri ilə görüşdə oyuna nəzarət məhz bizim tərəfimizdə olmalıdır. Final mərhələsinə çıxmaq istəyiriksə, Azərbaycan yığmasına qalib gəlməliyik”.

• Spallettidən Martinez açıqlaması – "Hazırda iki qapıçımız var"
• "Beşiktaş"ın Nunyez planı gözləyir
• Messi bu il də MLS Ulduzlar oyununu buraxacaq – Cəza tətbiq olunmayacaq
• "Real" Diomande ilə razılığa gəldi – PSJ mübarizədən çəkilmir
• "Fənərbaxça"dan transfer iddialarına cavab – Klub iki xəbəri təkzib etdi