Çempionlar Liqasının (ÇL) 1/4 final mərhələsində “Qalatasaray”la qarşılaşacaq olan “Real” artıq bütün diqqətləri bu oyuna yönəldib. Apasport.az saytının məlumatına görə, İspaniya La Liqasının 29-cu turunda “Saraqosa” səfərindən 1 xalla dönən Madrid təmsilçisinin baş məşqçisi Joze Mourinyonun bu turnirdəki statistikası isə diqqətlərdən qaçmayıb.

Belə ki, 2010-2011 mövsümündən bu yana portuqaliyalı çalışdırıcının rəhbərliyi altında Çempionlar Liqasında 16 matça çıxan “Real” 49 qola imza atıb. Həmin mövsümdə “Kral klubu” 6 oyunda 15 dəfə fərqlənməyi bacarıb.

2011-2012 mövsümündə 6 qarşılaşmada 29 qol vuran Mourinyonun komandası, bu mövsümdə isə 5 matçda 10 dəfə rəqib qapıçılarını məyus edib.

“Real” portuqaliyalı çalışdırıcının rəhbərliyi altında Çempionlar Liqasında ən böyük hesablı qələbələrini Zaqreb “Dinamo”su (6:2) və APOEL (5:2) üzərində qazanıb.

• “Brayton”dan yeni transfer – Nigeriya millisinin üzvü ilə 4 illik müqavilə
• "Siti" futbolçusunu icarəyə verdi
• Bayçetiç “Liverpul”dan ayrıldı – İspaniyaya qayıtdı
• Messinin “10” nömrəli formasının varisi bəlli oldu – Skaloni seçimini edib
• Günün canlı yayımlanacaq matçları - TV AFİŞA