İngiltərənin “Çelsi” klubunun yay transferlərinə ayıracağı vəsait bəlli olub.

Apasport.az saytının məlumatına görə, London təmsilçisinin sahibi Roman Abramoviç yeni oyunçuların alınmasına 150 milyon funt sterlinq xərcləyəcək.

O, baş məşqçi Tomas Tuxelin işindən razıdır. Bu üzdən də almaniyalıya heyətin gücləndirilməsi üçün bu qədər vəsait ayrılması məqsədəuyğun sayılıb.

Ötən yay paytaxt klubu eyni məqsədlə 253 milyon funt xərcləmişdi. Frenk Lempardın baş məşqçi olduğu dövrdə bu vəsaitlə Timo Verner, Kay Haverts, Hakim Ziyeş, Ben Çiluell və Eduar Mendi transfer edilib.

Qeyd edək ki, Tuxel “Borussiya”dan Erlinq Haland, “Bavariya”dan Niklas Sulenin transferində maraqlıdır.
 

• “Qızıl top”u qazana bilməyən Lamin Yamal: “Mənim də zamanım gələcək”
• İsmail Kartal avtomobil qəzasına düşüb
• İngiltərə Liqa Kuboku: “Arsenal” IV Liqa klubuna məğlub oldu - MÜBARİZƏNİ DAYANDIRDI
• “Fənərbaxça”da İsmail Kartal dönəmi başa çatdı - RƏSMİ - YENİLƏNİB
• "Fənərbaxça"dan sonra “Qalatasaray” da açıqlama yaydı: “Sonda yenə yaxşılar qalib gələr”