İngiltərə millisinin futbolçusu Harvi Barns AVRO-2020-ni buraxacaq.

Apasport.az saytının məlumatına görə, “Lester”in 23 yaşlı futbolçusu zədə səbəbindən qitə çempionatında iştirak edə bilməyəcək.

XXVI turun “Arsenal”la fevralda keçirilən (1:3) matçında xəsarət alan Harvinin bərpa prosesinin 6 həftə çəkəcəyi gözlənilirdi. Amma baş məşqçi Brendan Rocers yarımmüdafiəçinin təkrar əməliyyatının qaçılmaz olduğunu açıqlayıb.

O bildirib ki, dizinə ediləcək cərrahi müdaxilə səbəbindən Barns mövsümün qalan hissəsini buraxacaq. Rocers futbolçunun ötən il debüt etdiyi əsas yığma ilə AVRO-2020-yə qatıla bilməyəcəyini də qeyd edib.

Qeyd edək ki, AVRO-2020 iyunun 11-dən iyulun 11-dək qitənin 11 şəhəri, o cümlədən Bakıda təşkil olunacaq.
 

• “Qalatasaray”ın futbolçusu 10 Avropa nəhənginin hədəfində
• Aykut Kocamandan “Fənərbaxça”ya qayıtmaq üçün şərt – Oğuz Çetin getməlidir
• Ruben Amorim Bruno Fernandeşi “Milan”a gətirmək istəyir
• “Liverpul”a uduzan Xabi Alonso: “Bu, bizim üçün əhəmiyyətsiz turnirdir”
• İngiltərə Liqa Kuboku: “Çelsi” “Liverpul”la bacarmadı