İtaliyanın “İnter” klubunun futbolçuları çempionluq üçün nəzərdə tutulan mükafatdan imtina edəcək.

Apasport.az saytının məlumatına görə, Milan təmsilçisi A seriyasının qalibi olsa oyunçular bonus məbləğləri almayacaq.

Futbolçular bu yolla koronavirus pandemiyası üzündən maliyyə çətinlikləri yaşayan kluba kömək etmiş olacaq. Bunun reallaşması isə kifayət qədər inandırıcıdır. Çünki ən yaxın izləyicisi “Atalanta”dan 11 xal öndə olan “İnter”in çempionluq şansını qaçırması o qədər də real deyil. Milanlılar sonuncu dəfə 2009/10 mövsümündə qızıl medala yiyələnib.

Qeyd edək ki, klubun sahibi olan Çin şirkəti maliyyə problemləri üzündən “İnter”ə potensial müştəri axtarışındadır.
 

• Yaponiya Futbol Assosiasiyasının vitse-prezidenti istefa verdi
• “Qalatasaray” Braziliya millisinin üzvünü transfer etmək istəyir
• “Barselona” Ferminin qiymətini müəyyənləşdirdi
• “Qalatasaray”ın futbolçusu 10 Avropa nəhənginin hədəfində
• Aykut Kocamandan “Fənərbaxça”ya qayıtmaq üçün şərt – Oğuz Çetin getməlidir