“Bavariya”nın müdafiəçisi Rafael Qerreyro ölkəsinə qayıda bilər.

Apasport.az xəbər verir ki, “Benfika” portuqaliyalı futbolçunu transfer etmək istəyir.

Bu barədə “A Bola” nəşri məlumat yayıb.

Qerreyronun Almaniya klubu ilə müqaviləsi yayda başa çatır. Bu səbəbdən Lissabon təmsilçisi 31 yaşlı sol cinah müdafiəçisini yanvar ayında münasib qiymətə heyətinə qatmağı planlaşdırır.

Qeyd edək ki, Rafael Qerreyro 2023-cü ilin yayından “Bavariya”nın formasını geyinir. Portuqaliya millisinin üzvü bu mövsüm Münhen klubunun heyətində meydana çıxdığı 17 rəsmi matçda 3 qol və 3 məhsuldar ötürmə ilə yadda qalıb.

• La Liqada ayın ən yaxşı baş məşqçisi bəlli olub
• "Qalatasaray" ispaniyalı hakimi UEFA-ya şikayət edib
• Xabi Alonso istefaya göndərilə bilər
• İngiltərəli hücumçu “Napoli”nin hədəfində
• "Fənərbaxça"dan Talişkaya yeni təklif - Braziliyalı qərarsızdır