Almaniyanın “Bavariya” klubu 2026-cı il dünya çempionatında geniş heyətlə təmsil olunacaq.

Apasport.az xəbər verir ki, Münhen təmsilçisinin 18 futbolçusu müxtəlif milli komandaların heyətinə çağırılıb.

Ən çox “Bavariya” futbolçusu Almaniya millisində yer alıb. Bundestimə Manuel Noyer, Yozua Kimmix, Conatan Ta, Leon Qoretska, Aleksandar Pavloviç, Camal Musiala və Lennart Karl dəvət alıb.

Fransa millisində Dayo Upamekano və Maykl Olise, Seneqal yığmasında isə Nikolas Cekson və Bara Sapoko Ndiaye “Bavariya”nı təmsil edəcək.

Bundan başqa, Harri Keyn İngiltərə, Alfonso Devis Kanada, Luis Dias Kolumbiya, Yosip Stanişiç Xorvatiya, Hiroki İto Yaponiya, Kim Min Ce Cənubi Koreya, Konrad Laymer isə Avstriya millisinin heyətində mundialda çıxış edəcək.

Qeyd edək ki, 2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.

• "Liverpul" təyinatı açıqlamağa hazırlaşır: İRAOLA İLƏ MÜQAVİLƏ İMZALANACAQ
• “Qalatasaray” qiyməti açıqladı – Davinson üçün 20 milyon avro
• Arda Gülerə növbəti mükafat: MÖVSÜMÜN QOLU - VİDEO
• "Yuventus"un hücum planı: VLAHOVİÇ GEDİR, SÖRLOT GƏLİR
• “Yunayted”dən 50 milyonluq transfer həmləsi: Hədəf “Nyukasl”ın ulduzu