"Qalatasaray"ın vitse-prezidenti İbrahim Hatipoğlu Türkiyə kubokunun 1/4 final mərhələsində "Fənərbaxça" ilə keçiriləcək oyun barəsində danışıb.
Apasport.az xəbər verir ki, klub rəsmisi "Fənərbaxça" - "Qalatasaray" matçında favorit olduqlarını iddia edib.
O, "sarı-lacivərdlilər"lə görüşə çox ciddi hazırlaşdıqlarını bildirib: "Oyunçularımız son dərəcə iddialıdırlar. Matçın əhəmiyyətini bilirlər. Bu mövsüm hər iki kuboku qazanmaq üçün son saniyəyə qədər tər tökəcəyik. Derbidən başımız dik çıxacağıq. Matçın favoriti "Qalatasaray"dır. Azarkeşlərimizin dəstəyi ilə turu keçib kuboku qazanmaq istəyirik".
İbrahim Hatipoğlu derbiyə təyinat alan Cihan Aydın barədə bu sözləri deyib:
"Bir ay öncə "Rams Park"da keçirilən derbi ilə şərtlərin eyni olacağını gözləyirdik. İstər hakim, istərsə də güvənlik baxımından. Biz türk və ya əcnəbi hakim deyə ayırmırıq. Sadəcə matçı yaxşı hakimlərin idarə etməsini tələb edirik. Eyni qərarımız bu gün üçün də keçərlidir. Təyin olunan hakimlə bağlı müxtəlif müzakirələr aparılıb. Acun Ilıcalı tərəfindən Cihan Aydının "Qalatasaray" azarkeşi olduğu ictimaiyyətə təqdim edilib. Burada bizim üçün ən vacib məsələ hakimin ədalətli davranmasıdır. O vaxt əcnəbi hakim istəyənlərin ədalət yox, imtiyaz axtardığı bu gün açıq şəkildə sübuta yetirilib. Həmin gün “Qalatasaray” doğma meydanda üstünlüyə malik idi. Onların istədikləri yeganə şey təzyiq vasitəsilə evdəki üstünlüyünü aradan qaldırmaq idi. Qarşı tərəf kubokda keçiriləcək matç üçün əcnəbi hakim tələb etmədi. Mən eşitməmişəm”.
Qeyd edək ki, "Fənərbaxça" Türkiyə kubokunun 1/4 final mərhələsində əzəli rəqibi "Qalatasaray"ı qəbul edəcək. Görüş 2 aprel, saat 21:45-də start götürəcək.
Oxşar xəbərlər
Ana səhifə
Bütün xəbərlər