"Qalatasaray”ın futbolçusu Mario Lemina qış transfer pəncərəsində komandadan ayrıla bilər.

Apasport.az xəbər verir ki, “Yuventus” 32 yaşlı yarımmüdafiəçini icarəyə götürməyi planlaşdırır.

Bu barədə “Tuttosport” nəşri məlumat yayıb.

İstanbul təmsilçisinin bu keçidə razılıq verib-verməyəcəyi isə dekabr ayında müəyyənləşəcək.

Xatırladaq ki, Leminanın Türkiyə çempionu ilə müqaviləsi 30 iyun 2026-cı ilədək qüvvədədir.

Qeyd edək ki, Qabon millisinin üzvü indiyədək “Loryen”, “Marsel”, “Yuventus”, “Sauthempton”, “Fulhem”, “Nitsa” və “Vulverhempton” klublarında çıxış edib.

• "Çelsi"nin müdafiəçisi Fransa yolunda
• "Liverpul"da Cerrard səsləri
• Keyndən tarixi nailiyyət
• Jordi Alba və Serxio Buskets karyeralarını başa vurublar
• “İnter Mayami” kubok qazanıb