Bakı. Kənan Həsənov – APA-Sport. Bakıda təşkil olunan şahmat üzrə Qran-Pri turnirində birinci turun oyunları keçirilib. “APA-Sport” agentliyinin məlumatına görə, bu nüfuzlu yarışda iştirak edən təmsilçilərimizdən heç biri qələbə qazana bilməyib. Yığmamızın lideri Teymur Rəcəbov ingiltərəli Maykl Adamsla, Şəhriyar Məmmədyarov rusiyalı Pyotr Svidlerlə, Vüqar Həşimov isə fransalı Etyen Bakro ilə heç-heçə edib. Sergey Karyakin (Rusiya) – David Navara (Çexiya), Maqnus Karlsen – Van Yue (Çin) görüşlərində də qalib müəyyənləşməyib. Aleksandr Qrişuk (Rusiya) İvan Çeparinovu (Bolqarıstan), Qata Kamski (ABŞ) Ernesto İnarkiyevi (Rusiya) məğlub edib.
Bu gün ikinci tur çərçivəsində yeddi oyun keçiriləcək: E.Bakro - T.Rəcəbov, E.İnarkiyev - Ş.Məmmədyarov, V.Yue - V.Həşimov, Q.Kamski – D.Navara, A.Qrişuk – S.Karyakin, M.Adams – İ.Çeparinov, P.Svidler – M.Karlsen.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib