Bakı. Elşən Məmmədov-APA-Sport. Milli Olimpiya Komitəsinin vitse-prezidentləri Çingiz Hüseynzadə və Xəzər İsayev Şimali Kipr Türk Respublikasının paytaxtı Lefkoşaya yollanacaqlar. Bu haqda «APA-Sport» agentliyinə məlumat verən Xəzər İsayev Avropa Ədalətli Oyunlar Komitəsinin İcraiyyə Komitəsinin toplantısına qatılacaqlarını bildirib. X.İsayevin sözlərinə görə, mayın 2-də öz işinə başlayacaq iclasa qonaq qismində dəvət alıblar. Üç gün davam edəcək toplantıda 2009-cu il Avropa Ədalətli Oyunlar Komitəsinin Baş Assambleyasının Bakıda keçirilmə məsələsi müzakirə olunacaq. İcraiyyə Komitəsi üzvləri bu məsələ ilə bağlı qəti qərar verəcəklər.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib