Bakı. Kənan Həsənov - APA-Sport. Azərbaycanlı peşəkar boksçu Əli İsmayılov növbəti döyüşünü mayın 22-də Rusiyanın Sankt-Peterburq şəhərində keçirəcək. “APA-Sport” agentliyinin məlumatına görə, WBO Latino versiyası üzrə “qızıl kəmər”in sahibi olan həmyerlimiz ikinci dəfə titulunu qorumaq üçün rinqə çıxacaq. Ə.İsmayılovun rəqibi braziliyalı Pedro Otas olacaq. Boksçumuzun bu görüşdən sonra ABŞ-ın Los-Anceles şəhərində reytinq xarakterli iki döyüş keçirməsi də nəzərdə tutulub.
Qeyd edək ki, Ə.İsmayılov indiyədək peşəkar rinqdə keçirdiyi 14 döyüşün 12-də (8 nokaut) qələbə qazanıb, bir görüşdə uduzub və bir dəfə heç-heçə edib.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq