Bakı. Elşən Məmmədov-APA-Sport. Az öncə Estoniyanın paytaxtı Tallində 5-ci dəfə Avropa çempionu olan Azərbaycan karateçisi Rafael Ağayev ölkəmizə zədəli halda qayıdıb. 26 yaşlı idmançı “APA-Sport” agentliyinə verdiyi açıqlamada döyüşlərin birində sol əlindən ciddi xəsarət aldığını bildirib. 2006-cı ildə dünya çempionu titulunu qazanan R.Ağayevin əl sümüyündə çat aşkarlanıb. Hazırda əli gipsdə olan idmançının sözlərinə görə, müalicəsi bir ayadək davam edəcək. Karateçi, həmçinin bildirib ki, 24-27 mayda Xorvatiyada keçiriləcək açıq çempionata dəvət alsa da, zədə üzündən qatıla bilməyəcək.
Qeyd edək ki, R.Ağayev Tallində başa çatan Avropa çempionatında açıq çəkidə qızıl, 70 kq çəki dərəcəsində gümüş, komanda kumite döyüşlərində isə bürünc medal qazanıb.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib