Bakı. Elşən Məmmədov-APA-Sport. Mayın 16-da Belarusun paytaxtı Minskdə start götürəcək yeniyetmə və gənclər arasında sambo üzrə Avropa çempionatına yollanacaq Azərbaycan yığmasının heyəti açıqlanıb. Bu haqda “APA-Sport” agentliyinə məlumat verən milli komandamızın baş məşqçisi Mübariz İbrahimovun sözlərinə görə, dörd gün davam edəcək yarışa 16 idmançı aparılacaq. Yeniyetmələrin mübarizəsinə Orxan Cəlalov (48 kq), Vüqar Məmmədov (52 kq), Rəşid Şamilzadə (56 kq), Ruslan Rəşidi (60 kq), Səfər Aşumov (65 kq), Samir Kərimov (70 kq), Azər Ağayev (75 kq), Seymur Heydərov (81 kq) və Sadiq Əhmədov (87 kq) qatılacaq. Gənclər arasında isə Elvin Məmmədov (48 kq), Əfqan Abdullayev (52 kq), Cavidan Qarayev (57 kq), Yaşar Abbasov (62 kq), Emil Həsənov (68 kq), Mirələm Ağamirov (82 kq) və Naim Allahverdiyev (90 kq) qüvvəsini sınayacaq. Cabir İsmayılovla Yaqub Abdullayev isə qitə birinciliyində hakim funksiyasını yerinə yetirəcək.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq