Afina Olimpiadasının bürünc mükafatçısı İradə Aşumova Almaniyanın Münhen şəhərində keçirilən beynəlxalq turnirdə medal qazana bilməyib. Apasport.az saytının məlumatına görə, 51 yaşlı idmançı yarışda 14-cü yeri tutub.

10 metr məsafədən pnevmatik tapança ilə atəş açan Aşumova 381 xal (94+96+96+95) toplayıb. İlk “səkkizliy”ə düşərək, final mərhələsində mübarizə aparmaq üçün onun cəmi 1 xalı çatmayıb. Qızıl medala 484,7 xalla (385+99,7) polşalı Saqun Levandovska layiq görülüb.

Aşumovanın oğlu Ruslan Lunyov isə yeniyetmələrin mübarizəsində uğursuzluğa düçar olub. O, 564 xalla 45 nəfər arasında 27-ci pillədə qərarlaşıb. Ruslan bu gün 50 metrlik məsafədən kiçikçaplı tapança ilə atəş açacaq.

• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO